Nabibigyang-daan ng MyDataHelps™ at myFHR™ (“App”) ang pakikilahok ng consumer sa mga research study, programa sa pagpapahusay ng kalidad, at mga tool para sa kalusugan at wellness (“Proyekto” o “Mga Proyekto”) na inoorganisa ng mga mananaliksik at provider ng pangangalagang pangkalusugan (“Mga Imbestigador”) para maunawaan namin nang mas mabuti kung paano lumalala ang mga sakit, paano gumagana ang mga interbensyon sa pangangalagang pangkalusugan, at paano posibleng mag-iba-iba ang pagtugon ng bawat isa sa atin sa pare-parehong interbensyon upang matutunan namin kung paano mapapahusay ang kalusugan at kapakanan nating lahat gamit ang data. Sa paggamit mo sa App, makakapagbahagi ka ng impormasyon tungkol sa pangkalahatan mong kalusugan at fitness; history ng pamilya mo; antas ng aktibidad mo; anumang data na nakabatay sa sensor, gaya ng timbang, blood pressure, antas ng glucose sa dugo, at heart rate; impormasyon tungkol sa lokasyon mo; at anupamang impormasyon na hihilingin ng Mga Proyekto kung saan ka mag-e-enroll at sasang-ayon na ibigay ang mga ito bilang bahagi ng Proyekto.

Ano ang saklaw ng Patakarang ito?

Napakahalaga ng privacy mo para sa CareEvolution (“Kami” o “Namin”), at maingat kami sa kung paano namin pinapangasiwaan ang data mo. Boluntaryo ang paggamit mo sa App at ang pakikilahok mo sa Mga Proyekto. Saklaw ng hanay ng mga patakaran dito kung anong mga uri ng impormasyon (“Data”) ang kinokolekta ng App, kung paano Namin sino-store ang Data, paano Namin ginagamit ang Data, at paano Namin maaaring ibahagi ang Data. Sa paggamit ng App, kinukumpirma mong tinatanggap mo ang mga kasanayan at patakarang nakabalangkas dito. Pumapayag ka ring kolektahin, gamitin, at ibahagi Namin ang impormasyon mo gaya ng nakasaad sa patakaran sa privacy na ito.

Hindi nalalapat ang Patakaran sa Privacy at Paggamit na ito sa mga kasanayan ng mga Imbestigador, o ng mga kompanya at institusyong hindi namin pagmamay-ari o kontrolado, o ng mga indibidwal na hindi nagtatrabaho sa amin o hindi namin pinapangasiwaan. Para sa bawat Proyektong pipiliin mong salihan, hihilingin sa iyo na sumang-ayon bago ibahagi ang anumang data mo. Para sa mga digital na Proyektong klinikal na pananaliksik, kinakailangan mong suriin at tanggapin ang form ng may kabatirang pahintulot na ibibigay ng Imbestigador ng Proyektong iyon.

Pagpaparehistro para sa App

Para makalahok sa platform ng App, hihilingin namin sa iyo na gumawa ng account sa App. Para gumawa ng account, dapat kang magbahagi ng ilang nakakapagpakilalang impormasyon (tulad ng pangalan, petsa ng kapanganakan, email address) at mga preperensya (halimbawa, kung magbabahagi ng ilang uri ng data, kung tatanggap at kung kailan tatanggap ng mga notipikasyon at paalala), at sumang-ayon sa paggamit at mga kasanayan sa privacy tulad ng nakadetalye sa dokumentong ito na maaaring mabago paminsan-minsan.

Hindi pinapahintulutan ng MyDataHelps ang mga batang wala pang 13 taong gulang na gumawa ng sarili nilang account. Para makapag-enroll sa proyekto ang menor de edad na wala pang 13 taong gulang, dapat magparehistro ng account ang magulang/tagapag-alaga, magbigay ng pahintulot, at pangasiwaan ang pakikilahok ng menor de edad. Responsabilidad ng mga magulang/tagapag-alaga na tiyaking nailagay at ginagamit ang data ng bata alinsunod sa mga naaangkop na batas at kinakailangan sa pahintulot.

Hindi maa-access ng App ang iyong mga personal na contact, personal na litrato, o anumang text at mensahe sa email na nasa smartphone mo nang walang tahasang pahintulot mo.

Makakakuha ng impormasyon mula sa iyo ang App sa tatlong paraan.

• Impormasyong mano-manong inilalagay – ito ang impormasyong mano-mano mong ilalagay sa App.
• Impormasyong awtomatikong kinokolekta – maaaring mabuo ang impormasyong ito bilang byproduct ng paggamit mo sa App o mabuo ng smartphone mo o anumang digital health device na nakakonekta sa smartphone mo.
• Kasalukuyang impormasyon – ang impormasyong ito ay karaniwang resulta ng isa o higit pang koneksyon sa kasalukuyang data mula sa provider ng pangangalagang pangkalusugan mo (tulad ng klinika o ospital, bukod sa iba pang bagay) na pinapahintulutan mo sa App.

Impormasyong mano-mano mong ilalagay sa App

Natatanggap at sino-store namin ang ilang impormasyong mano-mano mong inilalagay sa App. Bukod pa sa direktang makakapagpakilalang Personal na Impormasyon, maaaring hilingin Namin o ng Imbestigador na maglagay ka ng impormasyon, kabilang ang, pero hindi limitado sa, iyong mga gamot, talaang medikal, paraan ng pamumuhay, sakit at nauugnay na sintomas, mood, aktibidad, at fitness. Sa hinaharap, posible Kaming mangolekta ng karagdagang impormasyong may kaugnayan sa kalusugan habang ang App at mga survey na ipapadala sa iyo ay patuloy na inaayos ng iba't ibang mananaliksik na nagpapatupad ng Mga Proyekto gamit ang App. Puwede mong piliing hindi magbigay sa amin ng ilang impormasyon sa pamamagitan ng paglaktaw lang sa mga tanong na hindi ka komportableng sagutan.

Impormasyong Maaaring Awtomatikong Makolekta

Bukod pa sa impormasyong mano-mano mong ilalagay, kung papahintulutan mo, awtomatiko ring mangongolekta ang App ng ilang impormasyon tungkol sa iyo gamit ang smartphone mo at/o anupamang nakakonektang digital health device mo, gaya ng mga smartwatch.

• Health Application ng Apple (“Health”) at HealthKit

  May kaugnayan ang sumusunod na probisyon sa kakayahan mong ibahagi ang impormasyon mo sa Health at sa kakayahan mong atasan ang Health na magpadala rin sa App ng impormasyon. Ang Health ay isang app mula sa Apple na magagamit mo para mag-store sa Apple device ng personal na impormasyong pangkalusugan mo. Hihilingin sa iyo ng App namin na i-enable ang pagbabahagi ng impormasyon sa Health. Bibigyan ka ng Apple Health ng kakayahang piliin kung aling impormasyon mula sa Health ang ibabahagi sa App. Tandaang maaaring hindi ma-access ng mga partikular na health provider mo ang impormasyong ito. Para sa mga partikular na alalahanin sa kalusugan, direktang makipag-ugnayan sa care provider mo.

  Dahil makakaapekto sa kung paano gagamitin at ihahayag ang impormasyon mo ang mga setting sa Health at sa mga app na nakakaugnayan ng Health, mahalagang suriin mo ang mga patakaran sa privacy at mga setting ng mga nasabing application. May higit pang impormasyon tungkol sa Health at mga setting ng privacy mo sa https://www.apple.com/ios/health/.

• Data ng Apple Sensor at Paggamit (“Apple SensorKit”)

  Nauugnay ang sumusunod na probisyon sa kakayahan mong magpadala sa App ng Data ng Sensor at Paggamit (data ng Apple SensorKit) mula sa (mga) Apple device mo. Depende sa mga proyektong lalahukan mo, maaaring hilingin sa iyo ng App namin na i-enable ang pagbabahagi ng Data ng Apple Sensor at Paggamit mo. Ang Apple device mo (hal., iPhone) ang magbibigay sa iyo ng kakayahang pumili kung aling impormasyon ang ibabahagi sa App. Maaaring kasama rito ang mga sukatan na naglalarawan sa ekspresyon ng mukha mo. Tandaang maaaring hindi ma-access ng mga partikular na health provider mo ang impormasyong ito. Para sa mga partikular na alalahanin sa kalusugan, direktang makipag-ugnayan sa care provider mo.

  May higit pang impormasyon tungkol sa Data ng Apple Sensor at Paggamit at sa mga setting ng privacy mo sa https://www.apple.com/legal/privacy/data/en/sensor-usage-data/.

• Google Fit

  Nauugnay ang sumusunod na probisyon sa kakayahan mong magpadala sa App ng impormasyon mula sa Google Fit. Ang Google Fit ay isang cloud-based na platform sa pagsubaybay sa aktibidad na magagamit mo para ibahagi ang impormasyon ng aktibidad mo sa iba pang app at device na idinisenyo na gumana sa Google Fit. Puwede mong i-enable ang pagbabahagian ng App at mga Google Fit application, at mapipili mo rin kung aling impormasyon ang ibabahagi sa Google Fit. Puwede mo ring piliin kung aling impormasyon mula sa Google Fit ang ibabahagi sa App. Tandaang maaaring hindi ma-access ng mga partikular na health provider mo ang impormasyong ito. Para sa mga partikular na alalahanin sa kalusugan, direktang makipag-ugnayan sa care provider mo.

  Dahil makakaapekto sa kung paano gagamitin at ihahayag ang impormasyon mo ang mga setting sa Google Fit at sa mga app na nakakaugnayan ng Google Fit, mahalagang suriin mo ang mga patakaran sa privacy at mga setting ng mga nasabing application. May higit pang impormasyon tungkol sa Google Fit at sa mga setting ng privacy mo sa https://www.google.com/fit/.

• Health Connect ng Google na hatid ng Android

  Nauugnay ang sumusunod na probisyon sa kakayahan mong ibahagi ang impormasyon mo sa Health Connect at atasan ang Health Connect na magpadala rin sa App ng impormasyon. Ang Health Connect ay isang app mula sa Google na magagamit mo para mag-store sa Android device ng personal na impormasyong pangkalusugan mo. Puwedeng hilingin sa iyo ng App namin na i-enable ang pagbabahagi ng impormasyon sa Health Connect. Bibigyan ka ng Health Connect ng kakayahang piliin kung aling impormasyon mula sa Health Connect ang ibabahagi sa App. Tandaang maaaring hindi ma-access ng mga partikular na health provider mo ang impormasyong ito. Para sa mga partikular na alalahanin sa kalusugan, direktang makipag-ugnayan sa care provider mo.

  Dahil makakaapekto sa kung paano gagamitin at ihahayag ang impormasyon mo ang mga setting sa Health Connect at sa mga app na nakakaugnayan ng Health Connect, mahalagang suriin mo ang mga patakaran sa privacy at mga setting ng mga nasabing application. May higit pang impormasyon tungkol sa Health Connect at sa mga setting ng privacy mo sa https://health.google/health-connect-android/.

• Mga Wearable at Iba Pang Digital Health Device (halimbawa, Fitbit, Withings)

  Nauugnay ang sumusunod na probisyon sa kakayahan mong atasan ang mga digital health device mo at ang mga serbisyong iniaalok ng kompanya ng device na magpadala ng data sa App. Puwede mong i-enable ang pagbabahagian ng App at device mo, at mapipili mo rin kung aling impormasyon ang ibabahagi sa kompanya ng device. Puwede mo ring piliin kung aling impormasyon mula sa device ang ibabahagi sa App. Tandaang maaaring hindi ma-access ng mga partikular na health provider mo ang impormasyong ito. Para sa mga partikular na alalahanin sa kalusugan, direktang makipag-ugnayan sa care provider mo.

  Dahil makakaapekto sa kung paano gagamitin at ihahayag ang impormasyon mo ang mga setting sa (mga) device mo at sa mga app na nakakaugnayan ng device mo, mahalagang suriin mo ang mga patakaran sa privacy at mga setting ng mga nasabing application. May higit pang impormasyon tungkol sa device mo at sa mga setting ng privacy mo sa website ng kompanya ng device mo. Halimbawa: https://www.fitbit.com/privacy.

• Impormasyon sa Lokasyon

  Kung kailangan sa isang partikular na Proyekto sa App, posible rin Naming kolektahin ang impormasyon tungkol sa lokasyon mo gamit ang naaangkop na geolocation, GPS, wifi, o mga katulad na kakayahan (“Impormasyon sa Lokasyon”) ng smartphone o digital health device mo. Gumagamit kami ng matipid sa baterya na paraan ng pagkolekta ng data ng lokasyon batay sa mga kapansin-pansin mong paggalaw (halimbawa, para tukuyin kung nabawasan ang karaniwan mong paglabas ng bahay dahil sa mga pagbabago sa kalagayan ng kalusugan mo).

• Impormasyon sa Paggamit

  Posible ring awtomatikong makatanggap ang App ng teknikal na impormasyon na nauugnay sa paggamit mo ng App, gaya ng operating system, device, mga ginamit na feature, content na na-view at na-download, mga petsa at oras ng mga interaksyon mo sa App, at iba pang impormasyon.

Impormasyon para sa mga Menor de Edad

Para sa mga menor de edad na wala pang 13 taong gulang, papangasiwaan ang pakikilahok sa mga proyekto gamit ang account ng kanilang magulang/tagapag-alaga. Mga magulang/tagapag-alaga ang magbibigay ng pahintulot, mangangasiwa ng account, at posibleng maglagay o sumuri ng impormasyon para sa kanilang anak. Hindi pinapayagan ng MyDataHelps ang mga batang wala pang 13 taong gulang na gumawa ng sarili nilang account o direktang magsumite ng data nang walang sangkot na magulang. Responsabilidad ng mga imbestigador na tiyaking nasusunod ang mga naaangkop na batas, kabilang ang COPPA, sa mga proyektong may mga menor de edad.

Mga Push Notification

Ang “mga push notification” ay mga mensahe ng App na ipinapadala sa smartphone mo bilang mga paalala ng maaaring gusto mong gawin sa iba't ibang Proyekto na posibleng salihan mo. Puwedeng magsilbing mga kapaki-pakinabang na paalala ang mga notification na ito para matapos ang mga survey o magsagawa ng mga pagsukat (halimbawa, blood pressure, timbang, o glucose reading). Puwede mong piliing i-disable ang mga notipikasyon sa mga setting sa smartphone mo pero mariin naming hinihikayat na huwag mong i-disable ang mga naturang notipikasyon.

Mga SMS Message

Isa pang paraan para makatanggap ka ng mga notipikasyon mula sa CareEvolution ang mga SMS (text) message. Sa pagsa-sign up para sa serbisyo namin, magpapadala kami sa iyo ng one-time PIN code para beripikahin ang account mo sa MyDataHelps. Puwede mo ring piliing makatanggap ng tuloy-tuloy na notipikasyon tungkol sa paglahok mo sa mga pangkalusugang research study. Posibleng may nalalapat na bayarin para sa mensahe at data. Nakadepende ang dalas ng mga mensaheng ito sa bilang ng Mga Proyekto kung saan ka naka-enroll at sa schedule ng mga iyon. Kung kailangan mo ng tulong, tumugon ng “HELP” o makipag-ugnayan sa mydatahelps-support@careevolution.com. Para mag-unsubscribe, tumugon ng “STOP” sa anumang matatanggap na mensahe. Hindi mananagot ang mga carrier sa mga naantala o hindi naihatid na mensahe.

Paano Namin Ginagawang Secure ang Data Mo

Pinapanatili namin (CareEvolution) o ng aming mga awtorisadong partner ang Data mo sa United States.

Gumagamit kami ng mga naaangkop na pisikal, pang-organisasyon, at teknikal na proteksyon para pangalagaan ang pagiging kumpidensyal, integridad, availability ng Data na kinokolekta namin. Halimbawa, naka-encrypt ang data mo habang naka-store ito at habang ipinapadala ito alinsunod sa mga pamantayan sa seguridad na itinakda ng Federal Information Processing Standard (FIPS) ng National Institute of Standards and Technology (NIST), Publication 140-2: Mga Kinakailangan sa Seguridad para sa Mga Cryptographic Module. Ito ang mga pamantayang ipinag-uutos ng Departamento ng Kalusugan at mga Serbisyong Pantao para sa pagtiyak sa seguridad ng impormasyong pangkalusugan. Gayunpaman, hindi namin lubos na magagarantiyahan ang seguridad ng Data o anumang impormasyong ipapadala sa amin.

Kung ie-enable mo ang pagbabahagi sa mga manufacturer ng third-party na device at sa mga system nila (gaya ng Apple Health, Fitbit, Google Fit, Google Health Connect, atbp.) o sa planong pangkalusugan o health provider mo, nauunawaan mong gumagamit ang app ng mga standard na protokol sa seguridad, ayon sa ibinibigay ng mga third party, para protektahan ang privacy at seguridad ng impormasyon mo habang ipinapadala ito sa, at sino-store ito ng, mga third party na ito. Walang kontrol ang CareEvolution sa kanilang mga protokol sa seguridad.

Poprotektahan ang access sa App na nasa smartphone mo gamit ang biometric code (gaya ng Touch ID o Face ID) o passcode na na-enable mo sa smartphone mo. Mariin naming inirerekomenda na i-enable ang isa sa mga ito para maprotektahan ang pag-access sa lahat ng app sa smartphone mo, kabilang ang App namin.

Sinisikap naming protektahan ang privacy ng Personal na Impormasyong kinokolekta at hinahawakan namin pero hindi namin magagarantiyahan ang ganap na seguridad. Posibleng makompromiso ang seguridad ng Personal na Impormasyon mo anumang oras dahil sa hindi awtorisadong pag-access o paggamit, pagpalya ng hardware o software, at iba pang salik.

Paano Namin Ginagamit ang Data

Hindi kailanman ipagbibili o gagamitin para sa advertising ang Data mo.

Kinokolekta ng App ang Data mo para sa mga sumusunod na layunin:

• Para sa pagpapahusay ng pangkalahatang kalusugan, pangangasiwang medikal at pangangasiwa sa fitness, at para sa mga medikal na pananaliksik.
• Maaaring gamitin namin ang Data para maunawaan, ma-customize, at mapaganda ang karanasan ng user sa App. Halimbawa, puwede kaming gumamit ng mga serbisyo ng analytics para suriin ang impormasyong ito upang matulungan kaming maunawaan kung paano ginagamit at ginagalawan ng mga user ang App, paano at kailan ginagamit ang mga feature sa loob ng App, at ilang user ang gumagamit ng mga iyon.
• Puwede naming gamitin ang data nang wala ang impormasyong makakapagpakilala sa iyo (pangalan, impormasyon sa pakikipag-ugnayan, email address) para suportahan ang mga inisyatibo sa pananaliksik at kalusugan o pagpapahusay ng kalidad kasama ng mga external collaborator at partner.

Paano Namin Maaaring Ibahagi ang Data

Maliban sa nakasaad sa patakaran sa privacy na ito, hindi namin ipagbibili, ipaparenta, papaupahan, ipapamigay, ihahayag, o ibabahagi ang impormasyon mo sa pakikipag-ugnayan, at hindi namin ihahayag nang walang pahintulot mo ang Data na kinokolekta namin gamit ang App. Hindi ibabahagi o ipagbibili para sa advertising ang anumang impormasyong kokolektahin ng App.

Kung iniaatas ng batas, maaaring magbahagi kami ng walang pagkakakilanlang Data sa mga ahensya ng Departamento ng Mga Serbisyong Pangkalusugan at Pantao ng United States, sa Tanggapan para sa Proteksyon sa Pananaliksik kaugnay ng Tao, at sa iba pang ahensya o korte ayon sa iniaatas ng batas. Gayundin, maaaring ma-access ng Institutional Review Board sa mga institusyon ng Imbestigador na nagpapatupad ng Proyekto sa App ang walang pagkakakilanlang data para subaybayan ang kaligtasan at pagsasagawa ng pananaliksik kaugnay ng tao.

Maaari naming ibahagi ang Data sa mga Imbestigador at Proyektong pipiliin mong lahukan.

Puwede naming isama ang Data mong walang impormasyong makakapagpakilala sa iyo (aalisin ang impormasyong tulad ng pangalan, petsa ng kapanganakan, at email address) sa data ng iba (na wala ring impormasyong makakapagpakilala) para magamit sa pananaliksik sa kalusugan at fitness at mga inisyatibo sa pagpapahusay ng kalidad.

May karapatan din kaming ihayag ang impormasyon mo na pinaniniwalaan namin, nang may magandang hangarin, na posibleng kailangan para i) protektahan ang aming intelektwal na pag-aari at iba pang karapatan; ii) managot, iii) protektahan ang aming mga sarili laban sa mapanlinlang, mapang-abuso, o ilegal na paggamit o aktibidad; iv) mag-imbestiga at ipagtanggol ang aming mga sarili laban sa anumang paghahabol o paratang ng third party; o v) protektahan ang mga karapatan o kaligtasan ng iba. Ipapaalam namin sa iyo ang anumang ganoong paghahayag.

Kapag nakikipagtulungan kami sa mga third party na nagbibigay ng mga serbisyo para sa amin, nagsasagawa kami ng mga hakbang para limitahan ang Personal na Impormasyong Makakapagpakilala na ibinibigay sa kanila at matiyak na makatwirang kinakailangan lang iyon para maisagawa nila ang kanilang mga gawain para sa mga pinapayagang layunin na nakalista sa itaas. Inaatasan namin sila na sumang-ayon na pangasiwaan at iproseso ang impormasyon alinsunod sa aming mga tagubilin at panatilihin ang pagiging kumpidensyal, integridad, at availability ng impormasyon sa pamamagitan ng paglalapat ng mga naaangkop na pang-organisasyon at teknikal na proteksyon.

May karapatan kaming ihayag at ilipat ang Data mo sa isang acquirer, successor, o assignee bilang bahagi ng anumang merger, acquisition, debt financing, pagbebenta ng mga asset, o katulad na transaksyon, o kapag nagkaroon ng insolvency, bankruptcy, o receivership kung saan inililipat ang impormasyon sa isa o higit pang third party bilang isa sa aming mga asset ng negosyo, sa sukdulan at sa paraang itinakda ng naaangkop na batas.

Sa App, puwede mong tingnan, i-edit, at ibahagi ang ilan sa mga kinokolektang Data.

Puwede mong piliing ihinto ang paggamit sa App o umalis sa anumang Proyektong ipinapatupad sa App anumang oras sa pamamagitan ng pakikipag-ugnayan sa amin sa mydatahelps-support@careevolution.com gamit ang email address na ginamit mo para magparehistro ng account. Kapag umalis ka na, ititigil namin ang pagkolekta ng bagong Data mula sa iyo.

Puwede mong hilinging tanggalin ang Data mo sa pamamagitan ng pakikipag-ugnayan sa amin sa mydatahelps-support@careevolution.com gamit ang email address na ginamit mo para magparehistro ng account.

Puwede ring i-access, suriin, o tanggalin ng mga magulang/tagapag-alaga ang anumang data na nauugnay sa kanilang anak gamit ang kanilang account o sa pamamagitan ng pakikipag-ugnayan sa amin.

Sa ilang sitwasyon, baka hindi namin puwedeng tanggalin ang lahat ng Data mo, at posibleng patuloy naming gamitin ang Data mo kung kinakailangan para matupad ang mga obligasyon namin sa batas (kabilang ang mga kahilingan ng mga alagad ng batas), para matugunan ang mga kinakailangan ayon sa regulasyon, para mapanatili ang aming programa sa seguridad, o kung para sa ikabubuti ng kalusugan ng publiko o para sa mga siyentipikong pananaliksik ang pagpapanatili ng nasabing Data.

Papanatilihin kahit nagtanggal ka na ng account ang Data na ibinahagi mo na sa Mga Proyekto kung saan ka naka-enroll. Pinapanatili namin ang Data na ito para mapangalagaan ang siyentipikong integridad ng Mga Proyekto.

Tatanggalin ang data sa loob ng 45 araw mula sa petsa ng paghiling ng pagtatanggal, maliban kung kailangang panatilihin iyon ayon sa nakasaad sa patakarang ito.

Kapag na-download mo ang App, makakatanggap ka ng hindi eksklusibo, hindi maililipat, at hindi maitatalagang lisensya (walang karapatang mag-sublicense) para mag-install at gumamit ng isang kopya ng App para lang sa personal at di-komersyal na paggamit mo kaugnay ng paglahok sa komunidad ng App. Pagmamay-ari o nasa kontrol mo dapat ang device kung saan mo ida-download ang App. Sa pag-download at paggamit mo sa App, sumasang-ayon kang hindi ka gagawa ng anumang makakahadlang o makakaudlot sa paggana ng App, magbibigay ka lang ng tumpak at pinakabagong impormasyon sa pamamagitan ng App, at wala kang taong gagayahin sa paggamit mo sa App. Sumasang-ayon ka ring hindi ka magpapadala ng content na wala kang karapatang ipadala o kaya ay lumalabag sa mga karapatan ng sinumang partido, at sumasang-ayon kang gamitin ang App alinsunod sa lahat ng naaangkop na batas. Nauunawaan mo na posibleng saklaw ng patent, copyright, trademark, at iba pang proteksyon sa intelektwal na pag-aari ang App o mga bahagi nito, at mananatili sa CareEvolution ang pagmamay-ari ng software at iba pang intelektwal na pag-aari na nauugnay sa App, pati na rin ang kabutihang-loob na nauugnay rito. Sumasang-ayon ka na pag-aari ng CareEvolution ang anumang pagpapabuti o iba pang pagbabago sa App.

Hindi dinisenyo ang App (kabilang ang alinman sa Mga Proyektong pinapangasiwaan dito) para maghatid ng pangangalagang medikal, at hindi rin ginawa ang App para magsilbing propesyonal na payong medikal o kapalit ng naturang payo, o para mag-diagnose, maggamot, maglunas, o makaiwas sa anumang kondisyong pangkalusugan, at hindi ka dapat umasa sa App para sa mga ganoong bagay. Dapat kang humingi lagi ng payo sa mga doktor o iba pang kwalipikadong provider ng pangangalagang pangkalusugan kung mayroon kang mga tanong tungkol sa anumang kondisyong medikal o anumang impormasyong matatanggap mo mula sa App. Huwag balewalain ang propesyonal na payong medikal o huwag patagalin ang paghingi ng ganoon dahil sa anumang impormasyon o iba pang content na makukuha mo mula sa App.

Sa sukdulang pinapahintulutan ng batas, ibinibigay ang App nang “As Is” at “As Available”, kasama ang lahat ng depekto at nang walang anumang garantiya, at itinatatwa ng CareEvolution at mga licensor nito ang lahat ng garantiya, ipinahiwatig man o ayon sa batas, kabilang ang, pero hindi limitado sa, mga ipinahiwatig na garantiya ng merchantability, kasiya-siyang kalidad, kaangkupan para sa partikular na layunin, katumpakan, tahimik na kasiyahan, at hindi paglabag sa mga karapatan ng third party. Hangga't hindi ipinagbabawal ng naaangkop na batas, walang pananagutan ang CareEvolution sa pinsalang matatamo ng tao, o sa anumang kaakibat na danyos, espesyal na danyos, danyos para sa hindi direktang pinsala, o danyos na bunga ng pangyayari na nagmula o nauugnay sa paggamit mo sa App o kawalan mo ng kakayahang gamitin ang App.

Sumusunod ang CareEvolution sa EU-US Data Privacy Framework (EU-US DPF), UK Extension to the EU-US DPF, at Swiss-US Data Privacy Framework (Swiss-US DPF) gaya ng itinakda ng Departamento ng Komersyo ng US. Pinatotohanan namin sa Departamento ng Komersyo ng US na sumusunod kami sa Mga Prinsipyo ng EU-US Data Privacy Framework (Mga Prinsipyo ng EU-US DPF) kaugnay ng pagpoproseso ng personal na data na matatanggap mula sa European Union na nakadepende sa EU-US DPF at mula sa United Kingdom (at Gibraltar) na nakadepende sa UK Extension to the EU-US DPF. Pinatotohanan din namin sa Departamento ng Komersyo ng US na sumusunod kami sa Mga Prinsipyo ng Swiss-US Data Privacy Framework (Mga Prinsipyo ng Swiss-US DPF) kaugnay ng pagpoproseso ng personal na data na matatanggap mula sa Switzerland na nakadepende sa Swiss-US DPF. Kung may anumang salungatan sa pagitan ng mga tuntunin sa patakaran sa privacy na ito at ng Mga Prinsipyo ng EU-US DPF at/o Mga Prinsipyo ng Swiss-US DPF, mangingibabaw ang Mga Prinsipyo. Para matuto pa tungkol sa programang Data Privacy Framework (DPF), at para tingnan ang pagpapatotoo namin, pumunta sa Data Privacy Framework.

Kaugnay ng personal na data na matatanggap o ililipat alinsunod sa mga Data Privacy Framework, saklaw ang CareEvolution ng mga kapangyarihan sa pagsisiyasat at pagpapatupad ng Federal Trade Commission ng US.

Alinsunod sa Programang DPF, may karapatan ang mga indibidwal sa EU, UK, at Switzerland na makuha ang aming kumpirmasyon kung pinapanatili namin ang personal na impormasyong nauugnay sa iyo sa United States. Kung hihilingin, bibigyan ka namin ng access sa personal na impormasyong hawak namin tungkol sa iyo. Puwede mo ring iwasto, baguhin, o tanggalin ang personal na impormasyong hawak namin tungkol sa iyo. Dapat lumapit sa privacy@careevolution.com ang indibidwal na gustong ma-access, iwasto, baguhin, o tanggalin ang hindi tumpak na data na inilipat sa United States sa bisa ng DPF. Kung hihilinging alisin ang data, tutugon kami sa loob ng makatwirang yugto ng panahon.

Magbibigay kami sa indibidwal ng opsyong mag-opt out, o mag-opt in para sa sensitibong data, bago namin ibahagi ang data mo sa mga third party maliban sa aming mga agent, o bago namin gamitin iyon para sa layuning iba sa orihinal na dahilan ng pagkolekta o pagpapahintulot. Para hilinging limitahan ang paggamit at paghahayag ng personal na impormasyon mo, magsumite ng nakasulat na kahilingan sa privacy@careevolution.com.

Sa ilang sitwasyon, maaaring kailanganin naming ihayag ang personal na data bilang tugon sa mga legal na kahilingan ng mga pampublikong awtoridad, kabilang ang pagtugon sa mga kinakailangan para sa pambansang seguridad o pagpapatupad ng batas.

Nakasaad sa Mga Prinsipyo ng DPF ang pananagutan ng CareEvolution sa personal na data na matatanggap nito sa United States sa bisa ng DPF at pagkatapos ay ililipat sa isang third party. Partikular dito, mananatiling may responsabilidad at pananagutan ang CareEvolution sa bisa ng Mga Prinsipyo ng DPF kung pinoproseso ng mga kasamang third-party agent ang personal na data para dito sa paraang hindi naaayon sa Mga Prinsipyo ng DPF, maliban kung mapatunayan ng CareEvolution na wala itong responsabilidad sa pangyayaring nagdulot ng pinsala.

Bilang pagsunod sa Mga Prinsipyo ng EU-US Data Privacy Framework, nakatuon kami sa paglutas ng mga reklamo tungkol sa privacy mo at sa pagkolekta o paggamit namin ng personal na impormasyon mo na inilipat sa United States alinsunod sa Mga Prinsipyo ng DPF. Dapat munang makipag-ugnayan sa CareEvolution sa privacy@careevolution.com ang mga indibidwal sa European Union, Switzerland, at United Kingdom na may mga katanungan o reklamo tungkol sa DPF.

Nakatuon din kami sa pagsasangguni ng mga hindi malulutas na reklamo sa privacy sa bisa ng Mga Prinsipyo ng DPF sa isang independiyenteng mekanismo ng paglutas ng hindi pagkakaunawaan, ang Data Privacy Framework Services, na hatid ng BBB National Programs. Kung hindi ka makatanggap ng napapanahong pagkumpirma sa reklamo mo, o kung hindi kasiya-siyang matugunan ang iyong reklamo, pumunta sa Proseso ng Paglutas ng Hindi Pagkakaunawaan ng DPF Services para sa karagdagang impormasyon at para maghain ng reklamo. Libre para sa iyo ang serbisyong ito.

Kung hindi malutas ang reklamo mo kaugnay ng DPF sa pamamagitan ng mga nabanggit na paraan, sa ilang partikular na kondisyon, puwede kang humiling ng binding arbitration para sa ilang natitirang paghahabol na hindi nalutas ng iba pang paraan sa paglutas. Tingnan ang DPF Arbitral Model para sa karagdagang impormasyon.

Maaari naming baguhin ang patakaran sa privacy na ito paminsan-minsan. Ipo-post ang anumang pagbabago sa website namin at/o sa kaukulang app store at magkakabisa ang mga iyon kapag na-publish na sa https://trust.careevolution.com/mydatahelps/privacy-tl.html.

Kung mayroon kang anumang tanong, komento, o kahilingan kaugnay ng patakarang ito o ng pangangasiwa namin sa Data mo, makipag-ugnayan sa amin sa https://careevolution.com/contact-us/.